Cobras , magis Eagles naka-una
Emmanuel B. Villaruel (Banat) - November 20, 2019 - 12:00am

CEBU, Philippines — Ang Southwestern University (SWU)-Phinma Cobras ug ang Sacred Heart School-Ateneo de Cebu (SHS-AdC) Magis Eagles maoy unang miarangkada 19th Cebu Schools Athletic Foundation, Inc. (CESAFI) men's basketball finals niadtong Lunes sa gabii didto sa sa Cebu Coliseum.

Sa seniors division, ang Cobras nagsandig sa kalmadong pamulso nilang Lamine Thiam ug Shaquille Imperial aron paludhon ang three-time defending champion University of the Visayas (UV) Green Lancers, 70-66 sa Game-1 sa ilang best-of-three series.

Si Thiam miiskor og 16 puntos, samtang si Imperial mitali og 14 puntos alang sa Cobras  nga mahimo nang mobira sa labing una nilang titulo sud sa lima ka tuig kon mapilde nila pag-usab ang Lancers sa Game-2  karong Huwebes sas alas 6:45 sa gabii.

Human nakasikit ang Lancers ngadto sa usa na lang ka lugas, 63-64, si Thiam mitusak sa iyang long-range jumper ug dayon si Imperial miposa og hagpok nga tres nga nakapaginhawa og lawon sa Cobras, 69-63 sa nahibilin nga 52 segundos.

Katapusang mipaduol ang Lancers sa iskor nga, 66-69 gumikan kay si William Polican mipasud og usa ka free throw sa himalatyong segundos aron pagsilyo sa kulbahinam nga daog sa Cobras.

Sa juniors division, si LA Casinillo mipatuasik og 28 puntos, apil na ang 10 ka sagunson nga puntos sa katapusang kuwarter nga maoy nahimong taytayan sa Magis Eagles ngadto sa 74-69 nga kadaogan batok sa University of Cebu (UC) Baby Webmasters.

Sa dihang nakasikit ang Baby Webmasters sa iskor nga 55-56, si Casinillo kalit lang nga nagmangtas pinaagi sa pagpasud sa duha niya ka tira nga iyang gisundan og duha ka sagunson nga tres nga nakahatag sa Magis Eagles og 66-55 nga labaw sa  katapusang  5:25 sa aksiyon. Ang Baby Webmasters igo lamang nakapaduol sa iskor nga 69-72 gumikan kay si Casinillo nga milangkat sab og pito ka rebounds ug tulo ka steals, mitak-op sa iyang pagkamabayanihon pinaagi sa paglansang og duha ka free throws sa  nahibiling 5.7 segundos sa duwa aron pagselyado sa daog sa Magis Eagles.

Si Mike Boniel miamot og 13 puntos, lima ka rebounds ug duha ka assists alang sa Magis Eagles nga puwede nang moangkon og balik sa trono nga katapusan nilang gilumloman niadtong 2016 kon  matiwasan ang Baby Webmasters sa Game-2  ugma sa alas 5:15 sa hapon.

CESAFI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with