Gilas Pilipinas wala kapraktis niadtong lunes
CEBU, Philippines — Walay nahitabong training ang Gilas Pilipinas alang unta sa Southeast Asian Games nga buksan karong Nobiyembre 30 didto sa Philippine Arena.
Ang national team magtapok kausa sa matag semana, apan nagmingaw ang Meralco Gym niadtong Lunes sa gabii human nakanselar ang team practice.
Ang team manager sa Gilas nga si Gabby Cui miingon nga napugos sila pagkanselar sa ensayo tungod kay gipangkapoy ang mga national team players nga sakop sa Barangay Ginebra, samtang gipalabi sa mga players sa TNT KaTropa ug San Miguel Beermen ang mag-ensayo uban sa ilang mother teams tungod sa krusyal nga duwa ugma sa PBA.
Wala usab mahitabo ang giplano nga tune-up game sa Gilas batok Taiwan tungod kay kulang sa tawo ang nauwahi tungod sa injuries.
"They were supposed to come here and do a series of games, but their two main players got injured, and they decided to back out. Not just from us but from other teams as well. So they didn't come on over," matud pa ni Gilas coach Tim Cone.
Bisan pa og miangkon siya nga kulang sila sa oras aron mangandam, si Cone kompiyansa nga andam ra ang iyang mga batos alang sa hagit atol sa SEA Games.
Nanghinaut hinuon siya nga kompleto ang tanan niyang players sugod sa Nobiyembre 28 nga maoy katapusang adlawa sa ilang training.
- Latest