George gisugat og pilde
Emmanuel B. Villaruel (Banat) - November 16, 2019 - 12:00am

CEBU, Philippines — Si Jrue Holiday mikadlit og 36 puntos sa dihang gibaraw sa New Orleans Pelicans ang season debut ni Paul George uban sa Los Angeles Clippers , 132-127 sa NBA kagahapon didto sa Smoothie King Arena sa New Orleans, Louisiana.

Miduwa si George sul-ot ang uniporme sa Clippers sa labing una pa lamang nga higayon gumikan kay nagpaalim pa man siya sa iyang shoulder injury.

Bisan hinuon sa gidugayon nga wala siya makapakita og aksiyon, wala matay-i ang abilidad ni George nga mihipos og 33 puntos sud lamang sa 24 minutos.

Apan ang sagunson niyang turnovers diin siya nailogan og bola ni Holiday tulo ka higayon sa naghinapos nga bahin sa duwa, usa sa mga hinungdan sa pagkahagba sa Clippers.

Wala hinuon makaduwa si Kawhi Leonard sa Clippers nga gipapahuway sa ikatulong higayon karon nga season aron dili masamotan ang sakit sa injury sa tuhod niini.

Sa laing aksiyon, si rookie Kendrick Nunn mi-iskor og 23 puntos ug si Bam Adebayo mipupo og 16 puntos ug 15 ka rebounds sa dihang gipaksit sa Miami Heat ang Cleveland Cavaliers, 108-97.

Wala sab magpa-alkansi ang laing rookie sa Miami nga si Tyler Herro nga mikamada og 16 puntos ug ingon man si Jimmy Butler nga mitapos uban ang 14 puntos alang sa Heat nga nagkupot na karon og 8-3 record nga maoy ikaduhang labing nindot sa Eastern Conference.

Sa ubang resulta, si Marcus Morris miposa og tres sa nahibiling 13.2 segundos sa duwa aron aswaton ang New York Knicks batok sa Dallas Mavericks, 106-103, si Giannis Antetokounmpo miposte og 38 puntos ug 15 ka rebounds ug si Eric Bledsoe mikulit og season-high 31 puntos sa dihang gisungag sa Milwaukee Bucks ang Chicago Bulls, 124-115.

Sila si Kelly Oubre Jr. ug Devin Booker nagkumbinar og 57 puntos sa dihang  gihimulbolan sa Phoenix Suns ang Atlanta Hawks, 128-112, samtang si Nikola Jokic mitali og 18 puntos ug 10 ka rebounds aron pangulohan ang Denver Nuggets ngadto sa 101-93 nga kadaogan batok sa Brooklyn Nets.

GEORGE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with