Tagakay sa CESAFI
Emmanuel B. Villaruel (Banat) - November 16, 2019 - 12:00am

CEBU, Philippines — Upat ka teams ang mag-abot sa tagakay nga mga duwa nga maoy modeterminar sa katapusang duha ka finalists sa 19th Cebu Schools Athletic Foundation, Inc. (CESAFI) men's basketball tournament sa Cebu Coliseum karong adlawa.

Ang three-time defending champion University of the Visayas (UV) Green Lancers makigtakus batok sa University of Cebu (UC) Webmasters sa main game sa alas-4 sa hapon, samtang ang UC Baby Webmasters makigharong batok sa University of Southern Philippines Foundation (USPF) Baby Panthers sa pasiunang duwa sa alas 2:30 sa hapon.

Ang Lancers ni coach Gary Cortes nakaangkon pa og laing kinabuhi human ilang gipatikyaob ang twice-to-beat UC Webmasters, 81-62  niadtong Huwebes sa gabii. Tam-is kaayo ang maong panilamos nga gihapak sa Lancers ngadto sa Webmasters nga misilhig kanila sa duha ka hugna nga eliminasyon.

Karon nga parehong wala na'y ugma nga nagpaabot kanila kon ugaling mapukan, seguradong usa ka huego todong pinaksitay ang masaksikan sa mga fans tali sa mortal nga managkaribal nga Lancers ug Webmasters.

Ang modaog sa ilang engkuwentro maka-angkon og katungod nga makigtigi sa nagpaabot nga Southwestern University (SWU)-Phinma Cobras sa best-of-three finals nga sugdan karong Lunes, Nobiyembre 18.

Sa juniors division, ang Baby Panthers nakapuwersa sab og rubbermatch human gipakgang ang Baby Webmasters sud sa duha ka overtime, 82-77 niadtong Nobiyembre 12.

Sama sa miagi nilang kumbati, ang Webmasters angayan nga mangandam alang sa usa ka lisud nga hagit batok sa Baby Panthers nga madasigong mibangon human malubong og 17 puntos sa ikatulong kuwarter dayon na ngadto sa pagpabuhi sa ilang kampanya nga makataak sa CESAFI finals sa labing unang higayon sa kasaysayan sa ilang tunghaan.

Kon kinsa man gani ang palaran nga koponan maoy makig-atbang sa Sacred Heart School-Ateneo de Cebu (SHS-AdC) Magis Eagles kampiyonato nga mosikad sab karong Lunes.

CESAFI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with