Warriors gilumsan sa Lakers
Emmanuel B. Villaruel (Banat) - November 15, 2019 - 12:00am

CEBU, Philippines – Gilumsan sa Los Angeles Lakers ang nagkagidlay nga Golden State Warriors, 120-94 sa ilang duwa sa NBA kagahapon didto sa Staples Center sa Los Angeles, California. Si LeBron James mikandos og 23 puntos ug 12 ka assists, samtang si Kyle Kuzma mipuno og 22 puntos sa Lakers nga miinat sa labing nindot nilang sinugdanan sukad niadtong 2010 ngadto sa 9-2 bisan og wala ang lain nilang All-Star nga si Anthony Davis gumikan kay nayayay ang tuong abaga.

Dominante kaayo ang Lakers gikan sa pagsugod diin sila milusad og 12-0  run nga nakapabarag sa Warriors sa nahibiling bahin sa duwa.

Ang Lakers duha ka higayon nga nakalabaw og 23 puntos, ang katapusan sa 3-pointer ni Dwight Howard nga mitapos uban ang 15 puntos ug walo ka rebounds.

Dako sab og natampo si Javalle McGee nga mikadlit og 18 puntos ug 17 ka rebounds.

Ang kanhi Lakers nga si D’Angelo Russell mikamada og 21 puntos alang sa Warriors nga nakatilaw sa ikalima nilang sagunson nga pilde ug natagak ngadto sa 2-10 nga maoy labing bati nga record karon sa liga.

WARRIORS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with