Cebu miratsada sa MPBL Lakan Cup
Emmanuel B. Villaruel (Banat) - November 15, 2019 - 12:00am

CEBU, Philippines – Luyo sa pagmangtas ni William McAloney, ang Cebu Casino Ethyl Alcohol madasigon nga mibangon gikan sa bugnaw nga sinugdanan dayon na ngadto sa paglampurnas sa Navotas Uni-Pak Sardines, 83-71 sa Maharlika Pilipinas Basketball League (MPBL) Lakan Cup niadtong Miyerkules sa gabii didto sa Ynares Center sa Antipolo City.

Si McAloney nga mipadayag nang daan sa iyang tinguha nga mosalmot sa PBA Draft sunod bulan, miiskor og 32 puntos human mipasud og 13 sa 15 niya ka itsa. Milangkat sab siya og 14 ka rebounds ug duha ka assists alang sa Cebu nga miposte sa ikatulo nilang sagunson nga daog ug ikasiyam sa kinatibuk-an sud sa 19 ka duwa.

Mikuha sab og atensiyon si Edrian Lao nga mikamada og 12 puntos, pito ka rebounds ug duha ka assists ug ingon man si Rhaffy Octobre nga mitali sab og 12 puntos, unom ka rebounds ug duha ka assists alang sa Cebu nga pabiling nagsolo sa ikasiyam nga dapit sa South Division standings.

Ang Cebu naalkansi og nuybes puntos human sa unang kuwarter, 14-23, apan miresbak pinaagi sa 22-15 run aron pagsikit niini ngadto na lang sa dos puntos sa halftime, 36-38.

Human maka-pahuway kadiyot, ang Cebu milusad sa ikaduhang hugna sa ilang ataki, 20-13 aron sa  pagposte niini og 56-51 nga bentaha padung ngadto sa final  10 minutes sa duwa.

Hingpit nga gibulsa sa Cebu ang daog sa dihang mireshistro sila og 83-68 nga labaw, 83-68 human sa duha ka free throws ni Harold Cortes sa nahibilin nga 20 segundos sa duwa.

Si Jhong Bondoc mitapos uban ang 18 puntos, upat ka rebounds ug tulo ka assists, samtang si Elmer Mykiel Cabahug mihipos og 11 puntos ug duha ka rebounds, apan wa'y nahimo gumikan kay ang Navotas natagak ngadto sa 5-14.

MPBL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with