Malaysia unang makontra sa Gilas sa SEA Games

CEBU, Philippines – Ang Malaysia maoy unang mosukod sa katakus sa Gilas Pilipinas sa opener sa basketball tournament sa Southeast Asian Games karong  Disyembre 4 didto sa Mall of Asia Arena.

Giisip nga sayon nga kaatbang ang Malaysia sa Gilas kay ang labing taas nila nga players mao ang mga 6-foot-5 nga sila si Wei Hong Choo ug Kek Thai Chan.

Ang Malaysia mitapos sa ikaupat nga dapit sa 2017 SEA Games ug katapusan sila nga misud sa top three niadto pang 2007 diin sila midaog sa bronze medal.

Gusto ni Gilas coach Tim Cone nga ipakita sa iyang  mga batos ang ilang abilidad ilabi na sa depensa nga maoy ilang gipraktisan og maayo. Sunod sangkaon sa Gilas ang Vietnam sa Disyembre 6 ug Myanmar sa Disyembre 7.