Magnolia import gisungog ni Guiao
CEBU, Philippines — Giklaro ni NLEX Road Warriors coach Yeng Guiao nga dili seryoso ang ilang tinubagay ni Magnolia Hotshots import Romeo Travis atol sa init nga duwa sa duha ka koponan niadtong Domingo diin ang Warriors ang midaog.
Si Guiao ug Travis nakita nga init nga nagsungugay sa maong duwa diin migawas nga mananaog si Guiao dihang mipatigbabaw ang NLEX.
Si Guiao, kinsa nailhan nga usa ka emosyonal nga coach, misinyas ug miingon ni Travis nga kinahanglan na niini mutawag sa higala nga si NBA star LeBron James aron mangayo og tambag kung unsaon pagpilde ang NLEX.
Si Travis kanunay usab nga motan-aw ni Guiao sa bench kun ugaling makapuntos kini alang sa Magnolia.
“I was telling him to call his friend (LeBron James),” matud pa ni Guiao sa Spin.ph. “We were trash-talking a little and I was trying to tell him that he may need the help of LeBron to get out of this fix.But it was all good-natured ribbing.”
Si Travis nailhan nga suod nga higala ug kanhi high school teammate ni James. Nanganti hinuon si Travis nga dili kini ang katapusang higayun nga mag-abot sila sa NLEX ug paaboton niya ang panagsangka nila sa playoffs.
- Latest
