Thompson di paduwaon

CEBU, Philippines —Posibleng dili paduwaon sa tibuok season  ni Golden State Warriors coach Steve Kerr ang usa sa iyang superstar nga si Klay Thompson gumikan kay hinay ang recovery sa injury sa tuhod niini.

Si Thompson nakaangkon og ACL injury sa tuhod atol sa finals sa miaging season batok sa Toronto Raptors. Una na nga gipahibalo nga dili makaduwa si Thompson sud sa siyam ka bulan gikan sa iyang pagka-injury. 

Si Kerr mosandig na lang nilang Stephen Curry, Draymond Green ug sa bag-o nilang nakuha nga si D'Angelo Russell.  Ipakita sa Warriors nga usa gihapon sila ka lig-ong koponan sa West Conference bisan wala na sila si  Kevin Durant ug Andrei Iguodala.