Raptors, Hawks mikulit unang daog
CEBU, Philippines —Ang Raptors ug ang Hawks mikadlit sa labing una nilang daog sa Elite Basketball Cebu Cebu-Cebu City Season 16 diha sa Visayan Glass gym sa Barangay Guadalupe, Dakbayan sa Sugbo.
Si Sam Hermosa mikadlit og 18 puntos aron pangulohan ang Raptors ngadto sa 84-76 nga pagpakaging sa Tigers.
Miamot si Nestor Bardillas og 14 puntos, samtang sila si Kevin Lozano, Jaypher Ocañada ug Jose Acha nagkumboya'g 33 puntos alang sa Raptors nga milatos sa Tigers.
Si Chris Obeso mitapos uban ang 15 puntos, si Marsun Tabay miiskor og 12 puntos ug si Jojie Bas midugang og 11 puntos, apan nakawang ang ilang paningkamot kay ang Tigers nakatilaw sa ikaduha niining sagunson nga pilde.
Sa laing bahin, si Ranjie Mangyao mipupo og 11 puntos, samtang si Jojo Lañojan midugang og 10 puntos aron aswaton ang Hawks ngadto sa kulbahinam nga daog batok sa Sharks, 48-46.
Sila si Shan Tann, Jude Bulan ug Prince Malana nagkumboya'g 38 puntos alang sa Sharks nga natagak ngadto sa 0-2.
- Latest
