Graphic point milangkat korona sa aloguinsan Mayor's Cup 2019
CEBU, Philippines — Gipilde sa Graphics Point ang David 'N Karie, 88-79 sa finals aron sakmiton ang korona sa Aloguinsan Mayor's Cup
2019 basketball tournament niadtong Domingo didto sa Aloguinsan Superdome sa habagatang bahin sa Sugbo.
Miarangkada dayon ang Graphics Point pagsugod aron moposte og 33-15 nga labaw human sa unang 10 minutos sa duwa.
Nahulga ang Graphics Point dihang nakan-an ang ilang 18 puntos nga labaw ngadto na lang sa 10 puntos sa halftime, 49-39.
Apan mibalik ang ilang kainit aron inaton og balik ang ilang labaw ngdto sa 17 puntos human sa tulo ka kuwarter, 67-50 ug wala na sila molingi pa sukad niadto.
Sa pasiunang duwa, ang Fighter Wine mihubog sa KChel sa iskor nga 115-79 aron mopahiluna sa ikatulong puwesto
ning maong torneyo nga nahimo pinaagi sa paningkamot ni Aloguinsan Mayor Eg-Eg Moreno.
Pito ka Fighter Wine players ang miiskor og double figures timaan sa ilang balanseng opensa.
Samtang tulo lang ang sa KChel.
Ang nga duwa gipadagan ni commissioner
ug first councilor Toto Biton sa abag ni Edwin Dejacto Sr., isip head technical committee.
- Latest
