Inoue mikuha'g Pinoy sparmates
CEBU, Philippines — Duha ka Pinoy'ng boksidor ang gikuha ni Japanese star Naoya Inoue aron himuon niyang sparmate pangandam sa iyang sangka ni five-division world champion Nonito Donaire Jr. sunod bulan didto sa Japan.
Sila si Inoue ug Donaire magsangka alang sa WBA ug IBF bantamweight title sa bantamweight super series.
Si Inoue nakig-spar ni kanhi world title challenger Genesis Servania ug sa kanhi contender gikan sa ALA Gym nga si Albert Pagara.
Si Inoue nga naila isip usa ka knockout artist miingon nga wala siya'y plano nga patumbahon si Donaire kon dili ipakita niya iyang abilidad sa boksing aron modaog.
"In my fight with Nonito Donaire, I do not dare pursue a knockout victory, but, basically, I am going to win by a wide decision by doing smart boxing, and in every round I'll find different way of strategy to reach the twelfth round," matud pa niya sa boxingscene.com.
Si Inoue nagbitbit og 18-0, 16KOs nga baraha, samtang si Donaire adunay 40-5, 26KOs record.
- Latest
