Gera sa L.A sayo sugdan
Lemuel P. Maglinte (Banat) - October 21, 2019 - 12:00am

Lakers batok Clippers mubukas sa NBA season

CEBU, Philippines — Usa ka eskplosibo ug kulbahinam nga duwa ang labing giatngan sa pagbukas sa 2019-20 NBA season sa panag-abot sa duha ka Los Angeles-based teams nga LA Lakers ug LA Clippers karong Miyerkules didto sa Staples Center.

Maisip nga usa ka makasaysayanon ang maong panagsangka tungod kay sa labing unang higayun, duha ka LA teams ang giiisip nga mga title contender ug sayong makita kung asa kanila ng mas nakalabaw sa katakus nga mupabalik sa NBA trophy sa maong syudad.

Nakapasamot sa kahinam sa mga fans ang panag-abot sa duha ka star tandems nga sila si LeBron James ug Anthony Davis sa Lakers ug Kawhi Leonard ug Paul George sa Clippers.

Si James kinsa padayong nagukod sa ikaupat niyang NBA title miingon nga wala kaayo niya giseryoso ang panagribal nila sa Clippers tungod kay bugtong anaa sa iyang huna-huna ang muhatag og korona sa Lakers.

“I’m here to be in the present of this Lakers franchise and team and figure out how we can be as great as we can be,” matud pa ni James sa Agence France Presse.

Ang Lakers katapusang nakatilaw og titulo 10 ka tuig ang milabay dihang si legend Kobe Bryant pa ang nangulo sa koponan. Ning higayuna, si James gusto nga makatampo usab siya sa legasiya sa NBA franchise.

Sa ilang bahin, ang Clippers sayong gitudlo nga kusug nga championship contender tungod usab ni Leonard kinsa bag-o lang mihatag sa labing unang titulo sa Toronto Raptors sa miaging season.

Ang reigning finals MVP masaligon nga mulampos sila ilabi na nga sakto sila sa suporta ni George ubus sa giya ni championship coach Doc Rivers.

LA LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with