Bulawan sa SEAG tuyo ni Suarez
CEBU, Philippines — Biyaan usa ni veteran Pinoy boxer Charly Suarez iyang karera sa pro boxing aron subling morepresentar sa nasud atol sa Southeast Asian Games sunod buwan diin ang nasud ang host.
Ang 31-anyos nga si Suarez undefeated na sa tulo ka sangka isip pro, apan mas gihatagan gihapon niya og gibug-aton ang pagsilbe sa nasud ug laraw niya ang laing gold medal sa SEA Games. Si Suarez usa ka two-time SEA Games gold medalist sa wala pa siya mihukom nga moduwa sa professional boxing niadtong miaging tuig.
Si Suarez usa karon sa mga saligan sa nasud nga makahatud og gold medal ilabi na sa iyang kasinatian isip Olympian niadtong tuig 2016.
“Charly’s always welcome in our gym. He was finding it difficult to find sparmates at his weight class so he thought of training with us. I broached the idea of Charly giving the SEA Games another shot since we’re hosting,” matud pa ni ABAP official Ed Picson sa The Philippine STAR.
Gawas ni Suarez, laing mga gilauman nga maka-gold sa boxing sila si Neshty Petecio ug Eumir Marcial kinsa nakakuha og gold ug bronze medals sa miaging World Championship.
- Latest