Villar, Lominaque misidlak sa Alegado Cup netfest
CEBU, Philippines — Sila si Nicole Villar ug Vince Lominaque maoy nangu sa listahan sa mga mananaog sa Mayor Alegado Cup 2019 Tennis Tournament didto sa Government Center sa Laray, Pitogo, Consolacion.
Gibuntog nilang Villar ug Lominaque sila si Arniel Ceniza ug Kevin Balundo aron paglugwa nga kampiyon sa category B+.
Nagparamdam sab sila si Ruben Bello ug Danny Ouano nga maoy misakmit sa korona sa category B human gipayaka sila si Bobby Danlag ug Edgar Rodriquez.
Sila si Hector Belcina ug Paul Pacheco mikuha og atensiyon human ilang gipiog sila si Corsing Benolaga ug Rexyl Nator arong langkaton ang titulo sa category C.
Sa all-ladies bdivision, sila si Juliet Nator ug Yza Hingoyon maoy gibayaw nga mga hara human gipaksit sila si Filamer Perez ug Flor Hingoyon.
Ang maong torneyo gipasiugdahan sa Consolacion Cebu Tennis Club ubos sa pagpangu sa presidente niining si Reynaldo Pepito Jr. ug bise presidente Hector Belcina.
- Latest
