Playoffs gipasalig ni Paul
CEBU, Philippines — Mipasalig si Chris Paul nga iyang dad-on ang bag-o niyang koponan Oklahoma City Thunder sa 2019-2020 NBA playoffs.
Ang beteranong si Paul nga napunta sa Thunder human gi-trade sa Houston Rockets bugti ni Russell Westbrook, masaligon nga makasugakod ang Thunder sa hugot nga kompetisyon sa Western Conference.
Miingon si Paul nga dili angay mokompiyansa ang ubang koponan sa Thunder tungod kay kompleto ang line-up nila nga makapakusog sa koponan. Ang gipasabot ni Paul mao ang rising star nga si Shai Gilgeous-Alexander ug veteran forward nga si Danilo Gallinari.
Anaa usab ang kasaligang defensive bigman nga si Steven Adams ug rebounder nga si Mike Muscala.
- Latest