Mga bida sa 10th Alegado Cup gipasidunggan

CEBU, Philippines — Ang mga kampiyon ug mga bida sa bag-o lang natapos nga 10th Mayor Alegado Cup Inter-Barangay Fiesta Basketball League pormal nga gipasidunggan sa usa ka bonggang seremonyas niadtong weekend didto sa Consolacion Sports Complex.

Sila si Rey Gonzaga Jr. sa Casili, Lymuel Malagar sa Poblacion Oriental ug Filhart Suson ug Joseph Bill Pepito sa Polog maoy nangu sa listahan niadtong mga gibayaw sa bantanwan sa kadungganan.

Sila si Gonzaga ug Suson maoy mga Finals Most Valuable Players sa seniors category A ug B,  samtang sila si Malagar ug Pepito maoy  mga   MVP sa regular season.

Giduyogan sila sa Mythical Five nilang Larry Malagar sa Poblacion Oriental, Dwight Gonzaga sa Casili, Chris Yonnel Perolino sa Pulpogan, Reynaldo Pardillo ug Ichael Villamor sa Garing, ug Jenmar Arcilla sa Lanipga.

Sa SK juniors, sila si John Paulo Dalumpines sa Pulpogan ug Jessie Bathan sa Tolotolo parehong misilhig sa Finals ug season MVP.

Awtomatik silang nasud sa Mythical Five uban nilang Jun Carlo Manatad, Regnier Gonzaga, ug Kendrick Bob Alcover sa Casili, Jayrald Baring sa Tayud ug Jay Harold Herbieto sa Tolotolo, Kevinson Labapez sa Polog ug Edimz Pongase ug Von Xyle Tundag sa Garing.

Mikuha sab og atensiyon sila si Rovello Robles sa Pulpogan ug Shannon Capangpangan sa Polog nga miharos sa Finals ug season MVP awards sa midgets category. Gikuyogan sila sa Mythical Five nilang Prince Arnold Soquino sa Pulpogan, Vince Luke Daclan sa Jugan ug Cassidy Christian Elorpe ug Jowil Sugarol sa Tayud, Junrix Casag sa Garing, Florence Alipan sa Polog, Joshua Aguanta sa Tolotolo ug Gabriel Alilin sa Garing.

Si Clarkrence Bongo sa Rico's Catering maoy Finals MVP sa 13 Under, samtang si Lester Cañete sa SPEAK maoy MVP sa 16 Under. Sila si Bongo ug Cañete libre sab nga makaapil sa Coach A Basketball Training Camp ni coach Kareem Alocillo.

Sa laing bahin, sila si Mark Junrey Garbo (Tayud), Raymundo Osabel (Pulpogan), Louie Malagar (Pob. Or.), Florence Alipan (Polog), Von Xyle Tundag (Garing) ug Thomas Martel (Polog) maoy gisaludohan nga Most Defensive Players, samtang sila si Prince Arnold Soquiño (Pulpogan), John Ian Ouano (Casili), Dwight Gonzaga (Casili), Junrix Casag (Garing), John Carlo Alivio (Tolotolo) ug Ichael Villamor (Garing) maoy  mga Most Improved Players.