Zion mihimo na sab og kasikas sa Pelicans
Emmanuel B. Villaruel (Banat) - October 13, 2019 - 12:00am

CEBU, Philippines — Si Zion Williamson, ang No.1 overall pick sa miaging NBA Draft, nagpabilib dayon sa ilang fans human siya mikadlit og 26 puntos ug milangkat og lima ka rebounds aron agakon ang New Orleans Pelicans ngadto sa kulbahinam nga daog batok sa Utah Jazz, 128-127   sa NBA pre-season kagahapon didto sa Smoothie King Center sa New Orleans, Louisiana.

Sa kikatibuk-an, si Williamson mipasud og siyam sa 12 niya ka itsa, apil na ang pito sa siyam ka free throws sud lamang sa 23 minutos.

Ang nakapadaog hinuon sa Pelicans mao si Javon Bess gumikan sa nasud niining lay-up sa himalatyong segundos.

Si Nickeil Alexander-Walker miamot og 22 puntos, samtang sila si Brandon Ingram ug Lonzo Ball nagkumbinar og 33 puntos sa Pelicans nga nakasagunson na og tulo ka daog.

Mikuha sab og atensiyon si Giannis Antetokounmpo nga mirapido og 27 sa iyang 34 puntos sa first half aron pangulohan ang Milwaukee Bucks ngadto sa 118-111 nga kadaogan batok sa Dallas Mavericks.

Si Giannis dunay sa'y 11 ka rebounds sa 23 minutos  niining pagbabad sa korte.

Sama sa Pelicans, ang Bucks wala pa sa'y pilde sud sa tulo ka duwa nila sa pre-season.

Sa uban pang mga resulta, si Bradley Beal mitali og 21 puntos sa dihang gipilde sa Washington Wizards ang New York Knicks, 115-99, sila si Jayson Tatum ug Marcus Smart nagkumboya'g 29 puntos sa  Boston Celtics nga milubong sa Orlando Magic, 100-75, ang Indiana Pacers mitumba sa Chicago Bulls, 105-87, ang Detroit Pistons nakaipsot sa Cleveland Cavaliers, 109-105, samtang ang Philadelphia 76ers mipaksit sa Charlotte Hornets, 100-87.

ZION
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with