7th Tropang Ballers League mosikad na
Emmanuel B. Villaruel (Banat) - October 13, 2019 - 12:00am

CEBU, Philippines — Ang ikapitong season sa Tropang Ballers League mosikad na karong adlawa diha sa Cebu City Sports Institute sa Barangay Sawang Calero.

Sa dili pa ang aksiyon, usa ka simpleng seremonyas sa pagbukas ang ipahigayon nga pagasugdan sa parada sa mga atleta sa alas-5 sa hapon.

Si Dondon Hontiveros, kanhi PBA star nga karon konsehal na sa dakbayan, maoy pinasidunggang dinapit sa maong kalihukan nga pagatambongan sab nilang Tropang Ballers founder Harrison Go ug commissioner Raul Nino La Rosa Jr.

Nagkanayon si Go nga ang pasiuna nilang duha ka duwa determinahon pinaagi sa pagbunot-bunot human sa programa.

Miabot ngadto sa 13 ka teams nga gibahin sa duha ka brackets ang mopakita'g aksiyon ning tulo ka bulan nga torneyo.

Ang Bracket A gilangkuban sa Ombra Design+Build, Meztizo, Marshmallows, MJE, Penthel ug Goaldiggers, samtang mobanat sa Bracket B ang San Remigio Properties, Yoyi's Pastries and Desserts, Thurblazers Ball Club, Dimsum Factory Cebu, A & R Freelancers, Gonzales Goldsmith ug Lauron Refrigeration and Airconditioning.

Magkumbati sila ubos sa single round robin format. Ang top four matag bracket moabante sa crossover quarterfinals. Ang mga mananaog motikang sa semifinal round, samtang ang mahibilin nga duha ka teams maoy mag-ilog  sa titulo.

Gawas sa mga tropeyo, ang makampiyon mobulsa og P20,000 uban ang usa la lechon ug island hopping package, samtang ang mopahiluna sa ikaduha ug ikatulong dapit mokubra og P15,000 ug P10,000.

Ang MVP ug mga sakop sa Mythical Five makadawat sab og insentibo.

7TH TROPANG BALLERS LEAGUE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with