Clippers, Lakers giatngan ni durant maghari sa West
CEBU, Philippines – Wala na isipa ni Kevin Durant ang kanhi niya koponan nga Golden State Warriors nga usa sa mga lig-on nga kontender sa Western Conference division.
Iya hinuon gitan-aw ang Los Angeles Clippers ug LA Lakers ang mag-ilog sa korona sa Western Conference.
Si Durant nga mi-average og 26 points ug 6.4 rebounds sa Warriors sa miaging season, mibiya sa West ug adto na mosuway paghari sa Eastern Conference human siya mipirma og kontrata sa Brooklyn Nets atol sa free-agency.
Prangka si Durant nga sa iyang paghawa, nakuhaan og scorer ang Warriors, apan makasud gihapon kini sa playoffs.
Ang Clippers ug Lakers maoy iyang giatngan nga mag-abot sa West finals.
Gipaboran ni Durant ang Clippers nga maoy maghari.
- Latest