Lanipga, Tugbongan sud semis sa 10th Alegado Cup
Emmanuel B. Villaruel (Banat) - September 21, 2019 - 12:00am

CEBU, Philippines — Ang Lanipga ug Tugbongan mitagak sa tagsa-tagsa nila ka mga kaatbang aron pagmartsa ngadto sa semifinals sa 10th Mayor Alegado Cup Inter-Barangay Fiesta Basketball League didto Consolacion.

Sila si Jenmar Arcilla, Michael Barong ug Junrey Arcilla nagkumbinar og 87 puntos sa Lanipga nga mipalagpot sa Tolotolo, 96-82 aron pag-angkon og luna sa Final 4 sa seniors category B. 

Miamot si Julito Medillo og 12 puntos  sa Lanipga nga kontrolado ang duwa sukad miposte og 22-13 nga labaw sa first period.

Ang Lanipga makigsangka sunod sa Garing diin ang modaog maoy makigharong sa Polog alang sa kampiyonato.

Sa SK juniors category A, sila si Matt Andrie Estrada, Jethro Sardoncillo ug Mhaglyn Joy Demecillo nagkumboya'g 34 puntos alang sa Tugbongan nga mipabakwit sa Nangka, 64-59 aron pagtaak ngadto sa semifinal round.

Duna pa hinuo'y bukid nga tungason ang Tugbongan gumikan kay ilang engkuwentrohon mao mao ang twice-to-beat Pulpogan sa semis.

Sa laing duwa, si Aljie Loro mikadlit og 16 puntos samtang sila si Johnrey Nique ug Joshua Aguante nakatigum og 24 puntos sa ilang gipalayas sa Tolotolo ang Sacsac, 72-63, aron pagsud niini sa midgets category B semis.

Sa seniors category A, ang defending champion Pulpogan naka-angkon pa og laing kinabuhi human gipukan ang Cabangahan, 64-58, sa ilang knockout match.

Si Rexon Moneva maoy nangu sa Pulpogan uban ang 22 puntos samtang sila si Chris Yonnel Perolino ug Ricardel Somosot midonar og 13 ug 11 puntos.

10TH ALEGADO CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with