Didal mobanat na sa Brazil
CEBU, Philippines – Sugdan na ni Cebuana skater Margielyn Didal ang tungason nga dalan paingon sa Olympics sa iyang pagsalmot sa World Skates/Street League Skateboarding World Championships karon didto sa Sao Paulo, Brazil.
Ang 20-anyos nga si Didal, ang gold medalists sa Asian Games sa miaging tuig, laraw nga makapakita og nindot nga performance aron mahayagan iyang luna sa Olympics sunod tuig didto sa Tokyo, Japan.
Kinahanglan ni Didal nga makakuha og dakong puntos aron makasud sa top 10 sa ranking. Si Didal natagak sa ika-13 dihang wala siya makaapil sa Skateboarding Open sayo ning bulana didto sa China tungod sa kakulang og pinansiyal nga suporta.
Gawas sa Olympics slot, gusto usab ni Didal nga madugangan iyang kompiyansa sa dili pa siya morepresentar sa nasud sa Southeast Asian Games sa Nobiyembre didto sa New Clark City.
- Latest