Candulawan, Maghaway nakadaog na gyud sa talisay mayor's cup
Emmanuel B. Villaruel (Banat) - September 18, 2019 - 12:00am

CEBU, Philippines — Managlahi man tuod nga dalan ang ilang naagian, apan ang Candulawan ug Maghaway nakadimdim na gyud og tam-is nga kadaogan sa seniors division sa 2019 Talisay City Mayor's Cup Inter-Barangay Basketball Tournament sa Talisay City Sports Complex.

Si Rito Macatunog mipupo og 28 puntos ug si Reymond Tacoloy midugang og 20 puntos sa dihang gipayaka sa Candulawan ang Manipis, 90-79 aron pakgangon ang duha ka sunod-sunod nilang pilde. Sila si Joseph Abendan ug Jerwin Mangubat parehong mi-iskor og 14 puntos alang sa Candulawan nga milubong sa Manipis sa  final half, 54-37 aron pagkulit sa una daog.

Lahi hinuon ang nadangatan sa Maghaway nga mikayod una og maayo sa wala pa nakaipsot batok sa Jaclupan, 98-96  sa kulbahinam kaayo nilang kumbati. Sila si Robert Labrador, Renbert Cabatas ug Kevin Tecson nagkumbinar og 78 puntos aron tabangan ang Maghaway nga putlon ang tulo ka sagunson nilang kaparotan.

Si Russel Rivera maoy laing player sa Maghaway nga naka-double figures  uban ang 16 puntos.

Sa juniors division, si Ken Camangga mitali og 27 puntos ug si James Labrador miamot og 21 sa dihang giataki sa Lawaan 1 ang Camp 4 sa iskor nga 88-82 aron tablahon ang ilang baraha ngadto sa 2-2, samtang sila si Ivan de la Rita ug Daniel Madayan nagkumboya'g 48 puntos sa dihang gipukan sa Linao ang Manipis, 90-84 alang sa una nilang daog sa tulo ka duwa.

BASKETBALL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with