USJ-R nanghawod sa karatedo; UC masidlakon sa dancesport
CEBU, Philippines — Ang tadhang mga karatekas sa University of San Jose-Recoletos (USJ-R) maoy naghari sa karatedo event sa 2019 Cebu Schools Athletic Foundation Inc. (CESAFI) season niadtong weekend didto sa SM Seaside City.
Nakahakot ang USJ-R og 14 ka golds, pito ka silvers ug lima ka bronzes pinaagi sa hiniusang puwersa sa ilang mga pambato sa high school ug college sa kata ug kumite event.
Ang University of Cebu (UC)-Main maoy mipahiluna sa ikaduhang dapit uban ang 11 ka golds, 14 ka silvers ug 10 ka bronzes ug gisundan kini sa University of San Carlos (USC) nga dunay unom ka gold , tulo ka silver ug tulo sab ka bronze medals.
Mipatong sa nagsunod nga tulo ka puwesto mao ang University of the Visayas (2-3-12), University of Southern Philippines Foundation (1-1-1) ug UC Lapu-Lapu and Mandaue Campus (0-2-13).
Sa dancesport, ang UC-Main maoy nanghawod uban ang duha ka golds, duha ka silvers ug usa ka bronze.
Mitunol sa duha ka golds sa UC mao sila si Gylle Nino Diluvio ug Mary Joy Dumusmog sa college Latin category ug ingon man sila si Hezekiah Sobrevega ug Rydell Rowella Pat sa high school modern standard.
Ang USC nakadaog og usa ka gold, usa ka silver ug duha ka bronzes. Minutol sa bugtong bulawan sa USC mao sila si Jacob Esmero ug Sofia Isabella Maree Quilaton sa high school Latin event.
- Latest
