Australian center silotan sa FIBA
CEBU, Philippines — Gitun-an na sa kadagkuan sa FIBA ang ipahamtang nila nga silot ngadto sa sentro sa Australia nga si Andrew Bogut human siya nag-wala ug misaway sa FIBA nga iyang gituohan nga mipabor sa Spain nga mipilde kanila atol sa semifinal sa World Cup niadtong Biyernes.
Ang 34-anyos nga NBA player isug nga misyagit dihang paingun siya sa locker room human sa ilang kapildehan sa Spain tungod kay nagtuo siya nga gipaboran sa mga referee ang ilang mga kaatbang. Sa iyang kasuko, gipangutana pa niya kung asa ang opisina sa FIBA tungod kay andam siya nga atakehon kini.
Si FIBA secretary general Andreas Zagklis nagkanayon nga di makiangayon ang gibuhat ni Bogut ug ilaha kining hatagan og tsansa nga makahinabi kanila sa saktong paagi.
"It's not an easy task for them to withhold their emotions when they go through the mixed zone," matud pa niya sa Agence France Presse."At the same time, we do have a very specific set of regulations and we do have a specific set of principles and values that we represent not only as FIBA but also the sport of basketball.
Nasayran nga si Bogut kanunay usab nga gi-boo sa mga Chinese fans sa iyang pagduwa didto sa World Cup tungod usab sa iyang bati nga komento batok sa mga Chinese athletes.
- Latest