Espanya, Argentina tigi karon sa finals

MANILA, Philippines — Gikan sa 32 ka koponan, anaa na lang karon sa Spain ug Argentina ang kahigayonan nga makoronahang bag-ong hari sa World Cup.

Ang FIBA rank No. 2 Spain ug rank No. 5 nga France maoy magsangka  sa finals karong alas-8 sa gabii didto sa Beijing, China.

Ang Spain misud sa finals nga walay pilde human sila midaog pinaagi sa  double overtime batok France sa semifinals niadtong Biyernes sa iskor nga 95-88.

Sa ilang bahin, ang Argentina nga miabante sa gold medal round nga walay bisan usa nga active NBA player sa ilang line-up wala damha nga midispatsar sa France, 80-66. 

Ang France mao ang inilog sa wala pa ang duwa tungod sa ilang tulo ka NBA stars ug sila usab ang mitagak sa kanhi defending champion nga Team USA sa quarterfinals.

Migawas hinuon nga inilog ang Spain paingon sa duwa tungod sa nindot nga gipakita sa NBA champion nga si Marc Gasol nga mirehistro og 33 puntos ug 11 ka rebounds batok Australia.

Kon mokampiyon, si Gasol maoy  bugtong player nga midaog og NBA title ug World Cup gold sa susamang tuig.

Ang Spain nag-apas sa ikaduha nilang FIBA World Cup gold nga katapusan nilang natilawan niadtong tuig 2006 didto sa Japan.

Sa ilang bahin, usa ka 'upset' ang suwayan pagkulit sa Argentina nga gibidahan sa 39-anyos ug kanhi NBA veteran nga si Luis Scola. 

Dili sama sa miaging World Cup, bugtong si Scola ang iladong pangan sa Argentina tungod   kay wala na miduwa sila si NBA legend Manu Ginobili, Andres Nocioni ug Pablo Prigioni.

Ang Argentina katapusang misud sa finals niadtong tuig 2002. Nakatilaw sila og gold medal sa World Cup niadto pang tuig 1950.