Jordan midonar og $1 milyon
Emmanuel B. Villaruel (Banat) - September 12, 2019 - 12:00am

CEBU, Philippines – Si NBA legend Michael Jordan midonar og $1 million alang sa relief efforts sa mga biktima sa bagyong Dorian mga mikuso-kuso sa Bahamas pila ka adlaw pa lamang ang milabay.

Sa opisyal niyang pamahayag sa Twitter, ang tag-iya sa Charlotte Hornets mipadayag nga nabuak ang iyang dughan ug nasubo siya og maayo human makita ang grabeng kadaut nga nahimo sa maong bagyo didto sa Caribbean archipelago.

Kapin sa 50 ka mga tawo ang kompirmadong patay, samtang liboan ang gibakwit gumikan sa maong kalamidad.

"I am devastated to see the destruction that Hurricane Dorian has brought to the Bahamas, where I own property and visit  frequently," matud pa ni Jordan, ang gitamod nga usa sa labing ngilngig nga mga basketbolista sa kasaysayan nga nakadaog og unom ka kampiyonato sa NBA uban sa Chicaco Bulls niadtong dekada '90s. "My heart goes out to everyone who is suffering and to those who have lost loved ones."

"The Bahamian people are strong and resilient and I hope that my donation will be of help as they work to recover from this catastrophic storm," dugang pa niya.

Ang 56-anyos nga si Jordan sa kanunay aktibo pagtabang niadtong mga biktima sa kalamidad. 

Sa miaging tuig, misaad siya og $2 million alang niadtong mga naapektohan sa bagyong Florence nga mihampak didto sa Carolinas. 

JORDAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with