Floyd Sr. segurado iyang anak moaway og usab ni Pacquiao

CEBU, Philippines — Nakaseguro si Floyd Mayweather Sr. nga  mahitabo  gyud  ang 'rematch sa iyang anak ug ni Manny Pacquiao. 

Sa dihang nahinabi sa TMZ Sports, ang 66-anyos nga si Floyd Sr. masaligon kaayo kabahin sa Mayweather-Pacquiao 2.

"I'm pretty sure that they're gonna fight. If Pacquiao say he wanna fight, I'm pretty sure they're gonna fight again," matud pa ni Floyd Sr.

Hinuon,  ang mas bata nga Mayweather   daan  nang mipahibalo nga dili na siya interesado pa nga makigsangka  ni Pacquiao.

Sa dihang gisukna si Floyd Sr. kabahin niini, giingnan niya ang TMZ nga dili angayan nga mabalaka.

"Don't even worry about it," tubag pa sa amahan sa labing adunahan  nga  boksidor sa kalibotan.

Kon ugaling madayon ang away, si Floyd Sr. wa'y pagduda nga susama ra gihapon ang resulta.

"My son will kick his ass the second, third, fourth, fifth time,"  sumala pa ni Floyd Sr.

Si Mayweather mipilde ni Pacquiao pinaagi sa desisyon atol sa ilang 'Fight of the Year' niadtong Mayo 2015 nga nakontrobersiyal man tuod, apan mihimo og rekord isip labing dako nga away sa kasaysayan sa boksing.