Australia dakong hulga ni Popovich
CEBU, Philippines – Gilantaw ni Team USA coach Gregg Popovich ang Australia Boomers nga usa ka dakong hulga sa ilang kampanya sa titulo sa giatngan nga FIBA World Cup nga sugdan karong Agosto 31 didto sa China.
"Huge, huge threat," matud pa ni Popovich diin ang gipasabot mao ang Boomers. "They are one of the teams that can win the whole thing, without a doubt. I’m not saying that because I’m here. It’s just a fact."
Gawas nga gutom ug nalig-on og maayo sud sa pipila ka mga katuigan, si Popovich nagakanayon nga ang Boomers namungingi sab og talento ug wa'y duda alang kaniya nga usa kini sa mga lig-ong title contenders sa prestihiyosong torneyo nga mahitabo kausa lamang sud sa upat ka tuig.
Masayran ni Popovich kon unsa katinuod ang iyang pamulso sa dihang ilang sangkaon ang Boomers sa una sa duha nila ka exhibition games karong adlawa didto sa Marvel Stadium sa Melbourne. Ang ikaduha nilang duwa gikatakda karong Sabado.
Ang Australia nga gipangulohan ni Patty Mills, mitapos sa ikaupat nga dapit niadtong 2016 Olympics didto sa Rio de Janiero, Brazil.
Ang Team Australia nanghinaut nga putlon ang kanunay nilang pagkapilde sa US sud sa 55 ka tuig.
Ang mga Amerikano midaog sa tanan nilang 25 ka duwa batok sa Australia sukad niadtong tuig 1964.
- Latest