Romanian sunod mohagit ni Ancajas

CEBU, Philippines – Ang top rated nga si Alexandru Marin sa Nicaragua posibleng maoy sunod nga challenger ni IBF super flyweight king Jerwin Ancajas sa pagdepensa  niini sa iyang bakus  unya sa Oktubre.

Kini ang ikawalong title defense ni Ancajas sa iyang bakus. Sa katapusan niyang sangka niadtong Mayo, gipatumba ni Ancajas  si Ryuichi Funai sa Japan.

Ning higayona, si Ancajas makasugat og bug-at nga hagit batok ni Marin, kinsa gihulagway nga usa ka agresibo nga boksidor.

Si Marin maoy gikahadlokan sa super flyweight diin aduna siya'y perpektong rekord nga 18-0, 11KOs, samtang si Ancajas adunay rekord nga 31-1, 21KOs.

Maglaum si Ancajas nga ang kadaogan batok Marin maoy mahimong taytayan alang sa dugay na niyang gihandum nga dakong sangka batok ni Mexican star Juan Francisco Estrada.