LBA-CCT Builders daog sa Siargao Wavers

CEBU, Philippines – Midaog ang Lamac Basketball Association (LBA) batok sa Siargao Waversm 84-75 sa ilang exhibition game niadtong Agosto 15 diha sa Cebu Coliseum.

Si Engr. Chucho Tan maoy nangulo sa unom ka LBA players nga miantog og double digits pinaagi sa iyang 16 puntos.

Ikaduhang topscorer sa LBA mao si Francis Palero nga mikamada og 14 puntos, gisundan ni Tata 'Coach' Pellejera nga adunay 12 puntos.

Ang LBA nga gipaluyohan sa CCT Builders ni Engr. Chucho Tan, nakakuha sab og maayong suporta gikan nila ni Dr. Jun Borces ug Richard Madrid nga nagtampohay og 11 puntos.

Ang ballclub president nga si Roy Ermac miamot og 10 puntos sa LBA nga maoy pirmeng naglabaw gikan sa pagsugod hangtod sa katapusang gutlo sa duwa.

Mipauwan og 11 ka tres si Matugas alang sa iyang 33 puntos, apan nakawang lang kay wala kini makapadaog sa Siargao Wavers.

Lain miiskor og double figures mao si Mata sa iyang 25 puntos.

PUNTOS MATAG USA

LBA-CCT Builders (84) – Tan 16, Palero 14,  Pellejera 12,  Borces 11, Madrid 11, Ermac 10, Dayday 4, Cena 2, Quiñahan 2.

SIARGAO Wavers (75) – Matugas 33, Mata 25, Amores 7, Romero 5, Baldomar 4, Romarate 2, Monsanto 2.