Abueva posibleng buhian sa Phoenix Fuel Masters
CEBU, Philippines — Posible nga buhian sa Phoenix Fuel Masters si Calvin Abueva ug adto kini mapunta sa Barangay Ginebra.
Ang Ginebra mihagad nga makig-trade bugti sa kontrobersiyal nga player nga si Abueva.
Wala direkta nga gikompirmar sa kadagkoan sa Phoenix, apan ang PBA insider nga si Snow Badua miingon nga milihok na ang Phoenix aron makakuha og koponan nga interesado makig-trade kanila bugti ni Abueva.
Si Abueva pabiling suspendido sa PBA tungod sa pipila ka mga kalapasan sa miaging PBA Commissioner's Cup.
Dili lang ang PBA, kon dili apil sab ang Phoenix nga misilot sa ilang player human kini miduwa og usa ka barangay league.
Migawas ang hugon-hugon nga ang Ginebra ang usa sa posibleng matugpahan ni Abueva, apan ang kadagkoan sa Gin Kings miingon nga wala sila'y nadawat nga tanyag.
Giingon usab nga lisud nga mapunta sa Ginebra si Abueva tungod kay dili ganahan niini si Alfrancis Chua, usa sa mga opisyal sa San Miguel Corp.
Kahinumduman, nga niadtong 2016 diin si Abueva niduwa pa sa Alaska Aces ug Chua nagkabikil sulod sa korte.
- Latest