Howard gisaytan sa Lakers
CEBU, Philippines — Dako'g purohan nga mag-reunion si Dwight Howard ug ang LA Lakers.
Kini human ang Lakers mipahibalo nga gusto silang makig-estorya ni Howard sa tinguha nga madugang sa ilang puwersa ang beteranong sentro.
Dili ikalimod nga ang Lakers nanginahanglan karon og usa ka big man human maangol si DeMarcus Cousins ug lagmit dili na makaduwa pa sa umaabot nga NBA season.
Tuyo sa Lakers nga mangita og paagi aron ilang makuha si Howard gikan sa Memphis Grizzlies.
Si Howard napunta sa Grizzlies human gi-trade sa Washington Wizards niadtong Hulyo puli ni CJ Miles.
Segun sa taho ni Shams Charania sa The Athletic, ang Lakers nahatagan na og permiso nga makig-estorya ni Howard nga hangtod karon nakaestablisar gihapon og maayong relasyon sa tag-iya sa Lakers nga si Jeanie Buss.
- Latest
