SMB kampiyon na sab
Lemuel P. Maglinte (Banat) - August 18, 2019 - 12:00am

CEBU, Philippines — Usa ka kampiyonato na lang makompleto na sa San Miguel Beermen ang usa ka makasaysayanong Grandslam title karon nga PBA season.

Kini humann gisakmit sa Beermen ang ikaduha nilang sunod-sunod nga titulo pinaagi sa Commissioner's Cup title.

Ila gipilde ang TNT Ka Tropa sa iskor nga 102-90  sa Game-6 sa ilang 'best-of-seven' finals series niadtong Biyernes sa gabii didto sa Smart Araneta Coliseum.

"We're targeting another championship. Double purpose ito dahil once makuha namin yung championship sa third conference, siguro mababalato na sa amin yung grand slam," matud pa ni Beermen coach Leo Austria atol sa press conference human sa duwa.

Ang San Miguel mipakita nga sila ang nagkupot karon sa dinastiya  sa liga human nila malumpag ang   topseed   nga TNT. 

Kahinumduman,  ang San Miguel misulod sa playoffs isip seventh seed, apan hinay-hinay sila nga misaka hangtod  nakuha ang korona.

Atol sa ilang serye batok KaTropa, ang Beermen midominar bisan pa og naunhan sila sa unang duha ka duwa, 0-2. 

Misidlak sa maong championship     series  sila    si   JuneMar Fajardo, Christian Standhardinger,  import nga si Chris McCullough ug Terrence Romeo, kinsa maoy  Finals MVP.

Si Austria midugang human sa All-Filipino ug Commissioner's Cup, laing lisud nga tahas ilang sagubangon sa Governors' Cup diin ibida nila ang laing import nga si Dez Wells.

Ang Beermen moduwa sa Governor's Cup nga sugdan sa Septiyembre nga wala si Marcio Lassiter nga nagpaalim sa iyang ACL injury, samtang segurado nga papahuwayon una nila si Fajardo nga lab-as pa ana gikan sa World Cup isip sakop sa Gilas Pilipinas. 

KAMPIYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with