Pinoy gimahal ni Jones
CEBU, Philippines — Taliwala sa kontrobersiya diin nabiktima sa pagbugal-bugal gikan ni Arwind Santos sa San Miguel Beermen, si TNT KaTropa import Terrence Jones Jr. miklaro nga wala siya magmahay nga mianhi siya sa nasud aron moduwa sa PBA.
Si Jones nga gisinyasan ni Santos nga 'unggoy' atol sa Game-5 sa ilang "best-of-seven" finals series miingon nga gimahal niya ang mga Pinoy fans ug ang nasud ug dili siya magduha-duha nga mobalik sa Pilipinas kon adunay higayon.
"No one person could tarnish how much love I was shown here by the fans and the communities that I’ve been. I just want to have that, be respected as a person," matud pa ni Jones sa Spin.ph.
Si Jones midawat na sa pasaylo gikan ni Santos nga gipamulta sa PBA og P200,000 uban ang 100 ka oras nga community service.
"I'm a human being. I just want him to respect me as a person and as a father and as a black man. I'm here to represent my family and I’m not saying anything bad about anybody, the culture, and race. That's all I’m saying," dugang pa ni Jones.
Si Jones kinsa adunay usa ka anak nga Fil-American gikan sa iyang Pinay nga kapikas, miingon nga nanghinaut siya nga makabalik og duwa sa NBA atol sa iyang pagbalik didto sa Estados Unidos.
- Latest
