_banat
^

Pacman, Floyd nagpasingitay

Lemuel P. Maglinte (Banat) - July 25, 2019 - 12:00am

CEBU, Philippines – Nabuhi na usab ang gilubong nga panagribal tali sa duha ka ring icon nga sila si Manny Pacquiao ug Floyd Mayweather Jr.

Daghan ang mga boxing fans ang naghandom nga mao kini ang mobanhaw sa negosasyon sa dugay nang gipaabot nga 'rematch' sa duha ka banggiitang boksidor.

Nagsugod ang tinubagay sa duha sa social media dihang mipagawas og taas nga pamahayag si Mayweather ug iyang gipasanginlan si Pacquiao ug ang kampo niini nga migamit sa iyang pangalan aron mosikat.

Si Mayweather wala kauyon sa kanunay nga paglitok sa iyang pangan ilabi na sa mga pangutana kon  mahitabo pa ba ang ilang 'rematch'.

Si Mayweather miingon nga gisakyan ra ni Pacquiao ang iyang kasikat ug wala siya makauyon sa gihimo sa Pinoy boxing champion nga kanunay nga paghagit kaniya tungod kay retired boxer na siya.

"This man (Pacquiao) career has been built off its association with my name and its about time you all stop using mybrand," matud pa ni Mayweather. 

Dali hinuong mitubag si Pacquiao gamit usab ang iyang social media diin iyang gisumbalik si Mayweather nga maoy misakay sa iyang kasikat ilabi na nga kalit kining mibutho didto sa MGM Arena sa Las Vegas niadtong Domingo aron personal nga mosaksi sa sangka sa iyang away  ug ni Keith Thurman.

"Mayweather, you come to my fight and then use my name in a post but I'm the one that is trying to stay relevant?" matud pa ni Pacquiao.

Gisungog usab ni Pacquiao si Mayweather diin iyang gisuwat ang #PacMay2 nga nagpasabot nga pabilin iyang interes nga sangkaon pag-usab ang walay pildeng American boxer.

Sila si Pacquiao ug Mayweather nagsangka niadtong Mayo 2015. 

Sa maong away, si Mayweather maoy midaog pinaagi sa 'unanimous decision'.

Si Mayweather gibana-bana nga mikita og $300 million sa "Fight of the Century" nga kontrobersiyal kaayo, apan mikulit og rekord isip labing dako nga away sa kasaysayan sa boksing.

Sukad niadto, kanunay na nga mihagad og rematch si Pacquiao ngadto ni Mayweather.

Bisan og unsa pa kadako ang kantidad nga itanyag ngadto ni Mayweather dili mahitabo nga mohaw-as kini gikan sa iyang pagkaretirado aron makigsangka og usab ni Pacquiao. 

PACMAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with