Ginebra, Rain or Shine mosud sa semis
CEBU, Philippines — Dili usikan sa Barangay Ginebra ang kahigayonan nga mahimong unang koponan nga mosud sa Final 4 sa PBA Commissioner's Cup.
Suwayan sb nila nga mapalagpot sa playoffs ang Magnolia Hotshots sa Game-2 sa ilang best-of-three quarterfinals series karong gabii didto sa Smart Araneta Coliseum.
Magsangka ang duha sa alas-4:30 sa hapon ug likayan sa Ginebra nga mabawsan sa Hotshots.
Ang Ginebra mipaduol sa semis human nila gipilde ang Hotshots niadtong Sabado sa iskor nga 85-79, apan si coach Tim Cone miingon nga kinahanglan seguruon nila nga makuha ang daog karon tungod kay mabutang sila sa delikadong sitwasyon kon mapugos ang series ngadto sa usa ka do-or-die Game-3.
Sama sa nahitabo sa Game-1, lauman ni Cone nga ang scoring tandem nila ni Justin Brownlee ug Stanley Pringle.
Gidayeg usab ni Cone ang iyang mga batos sa nindot nga depensa nga ilang gibuhat ilabi na sa import sa Hotshots nga si Rakeem Christmas nga igo lang nakahimo og 18 puntos.
Sa main game sa alas-7 sa gabii, ang Rain or Shine Elasto Painters mosuway pagkompleto sa usa ka 'upset' batok sa No. 3 nga Blackwater Elite.
Ang Painters nga misud sa playoffs isip No. 6 seed mipilde sa Elite sa Game-1 sa iskor nga 83-80. (BANAT NEWS)
- Latest
