Westbrook opisyal na nga sakop sa Rockets
Emmanuel B. Villaruel (Banat) - July 18, 2019 - 12:00am

CEBU, Philippines – Opisyal na nga usa ka Houston Rockets ang kanhi MVP nga si Russell Westbrook human siya mipirma og kontrata uban sa kadagkuan sa koponan.

Si Houston Rockets general manager Daryl Morey mipahibawo kagahapong adlawa nga opisyal na nilang nabira si Russell Westbrook gikan sa Oklahoma City Thunder human ang trade diin ilang gibuhian si Chris Paul uban ang duha ka first round picks.

Unang mihimo og kasikas si Westbrook sa dihang gilabnot siya nga No.4 overall pick sa Thunder niadtong 2008 NBA Draft.

Sud sa 821 ka duwa sa iyang karera, ang star point guard mi-average siya og 23.0 puntos, 8.4 assists, 7.0 rebounds, ug 1.76 steals.

Isip dugang sa iyang pagka-MVP niadtong 2016-17 season, si Westbrook walo ka higayon nga naapil sa All-Star, duha ka higayon nga nahimong All-Star Game MVP, ug walo ka higayon nga nahimong sakop sa All-NBA selection.

Nakadaog siya og gold medal uban sa Team USA niadtong 2012 London Olympics. Siya maoy nangu sa liga sa assists sa miaging duha ka tuig ug duha ka higayon nga nahimong scoring champion.

Sa miaging lima ka tuig, si Westbrook nakigduyog nilang James Harden ug LeBron James isip mao lamang mga players sa kasayayan sa NBA nga mi-average og dili mominus 25.0 puntos, 8.0 assists ug 6.0 rebounds matag duwa.

Ang lakang sa Rockets naghiusa ni Westbrook uban ni Harden nga kanhi niya teammate sud sa tulo ka tuig sa dihang nagsulot pa sila sa uniporme sa Thunder. Gani nakasud pa sila sa NBA Finals niadtong 2012 ugaling lang kay gibuntog sa puwersa nilang LeBron James ug Miami Heat.

ROCKETS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with