UV Lancers lucky 9 ang tirada
CEBU, Philippines – Nagpanikad ang ARQ Builders-University of the Visayas (UV) Green Lancers pag-inat sa ilang baraha ngadto sa siyam ka duwa sa dihang ilang sangkaon ang Tough Gear/Cebu Institute of Technology-University (CIT-U) Wildcats sa 2019 Cebu Schools Athletic Foundation, Inc. (CESAFI) Partner's Cup karong adlawa diha asa Cebu Coliseum.
Samtang ang Lancers ni coach Gary Cortes nagpahayahay sa kinatas-ang dapit sa liderato bitbit ang perpektong 8-0 record, ang Wildcats nagtingkagol sa tumoy kay kausa pa makadaog sa siyam ka duwa.
Laraw sa Lancers nga motikang ngadto sa tulo na lang ka daog aron kumplituhon ang tam-is nga sweep sa duha ka hugna nga eliminasyon sa ilang pakigsangka batok sa Wildcats sa pasiunang duwa nga gikatakda sa alas-5:30 sa hapon.
Sa main game sa alas-7 sa gabii, ang Southwestern University (SWU)-Phinma Cobras nagtinguha nga makasagunson og tulo ka daog sa dihang ilang engkuwentruhon ang Cebu Landmasters-University of San Carlos (USC) Warriors.
Ang Cobras nagsolo karon sa ikaduhang dapit bitbit ang 6-2 nga baraha, samtang ang Warriors nagkupot na karon og 4-5 nga marka human gipakgang ang duha ka sunod-sunod nilang pilde pinaagi sa paglampaso sa Wildcats, 83-66 niadtong Martes sa gabii.
- Latest
