Davis dili modayon sa World Cup

CEBU, Philippines – Gipahibalo sa bag-ong star sa Los Angeles Lakers nga si Anthony Davis nga dili na siya modayon og duwa uban sa Team USA sa FIBA World Cup sunod bulan didto sa China.

Nasayran, nga niadtong Hunyo milutaw ang pangan sa star bigman uban si Houston Rockets star James Harden isip duha sa mga mangulo sa kampanya sa Team USA nga manalipod sa ilang korona sa World Cup.

Si Davis nga nakuha sa Lakers gikan New Orleans Pelicans pinaagi sa trade, gusto nga siyento porsiyento iyang kondisyon ug kahimsug alang sa pagbukas sa NBA sa Oktubre 

Ang 26-anyos nga si Davis midaog og gold medal sa Team USA sa miaging 2014 World Cup didto sa Spain. Lakip usab siya sa US team nga midominar sa 2012 Olympics.