TNT Katropa gustong magbawon og daog paingon sa playoffs
CEBU, Philippines — Bisan nakuha na nila ang 'twice-to-beat' advantage sa quarterfinals, ang top seed nga TNT KaTropa gusto nga magbawon og daog paingon sa playoffs sa PBA Commissioner's Cup.
Tapuson sa TNT ang ilang duwa sa elimination round batok sa Magnolia Hotshots karong alas-7 sa gabii human sa duwa sa San Miguel Beermen ug Meralco Bolts nga gikatakdang sugdan sa alas-4:30 sa hapon didto sa Smart Araneta Coliseum.
Si TNT veteran Jayson Castro miingon nga dakong butang nga binlan nila og daog ang elimination round tungod kay makapataas kini sa kompiyansa sa iyang teammates. Kini ang unang higayon nga mosud sa playoffs ang KaTropa isip No. 1 seed sukad niadtong tuig 2016.
Dako og papel sa kalampusan sa TNT ang kanhi Houston Rockets forward nga si Terrence Jones Jr., kinsa maoy topscorer sa tanang imports. Mi-average siya og 33.2 points.
- Latest
