Clarkson giapil sa Gilas line-up
CEBU, Philippines — Wala damha nga giapil ni coach Yeng Guiao si NBA standout Jordan Clarkson sa line-up sa Gilas Pilipinas nga moduwa sa FIBA World Cup sunod bulan didto sa China.
Si Guiao misumitir sa FIBA sa 19 ka players nga maoy iyang kuhaan og Final 12 nga moduwa sa World Cup.
Gawas ni Clarkson, laing anaa sa lista mao sila si Andray Blatche, JuneMar Fajardo, Japeth Aguilar, Raymond Almazan, Mark Barroca, Beau Belga, Robert Bolick, Poy Erram, Marcio Lassiter, Paul Lee, Gabe Norwood, CJ Perez, Roger Pogoy, Stanley Pringle, Kiefer Ravena, Troy Rosario, Christian Standhardinger ug Matthew Wright.
Gipasabot ni Guiao nga bisan og wala pa'y klaro kon tugtan sa FIBA ug sa NBA si Clarkson nga moduwa, ila na lang kining giapil sa dili pa nila suwayan paglihok ang 'clearance' niini.
Si Guiao miingon nga sa katapusang semana sa dili pa ang World, nganlan niya ang Final 12, apan sa pagka karon, dad-on niya ang tanang 19 ka players sa tune-up games didto sa Spain.
Gituyo usab ni Guiao nga himuong 19 ang Gilas pool tungod kay posibleng adunay PBA players nga dili kauban ilabi na kadtong ang koponan moduwa sa finals sa PBA Commissioner's Cup.
- Latest
