Parks, Aguilar suporta sa desisyon ni Sotto

CEBU, Philippines – Duha ka Pinoy basketball stars nga  napakyas sa ilang damgo nga makaduwa sa NBA ang mihatag karon sa ilang suporta ngadto ni teen basketball sensation   Kai Sotto.

Si Barangay Ginebra San Miguel forward Japeth Aguilar ug  si ABL MVP Ray Parks Jr. miingon nga sakto ang desisyon ni Sotto nga mobiya sa nasud  ug adto ipadayon iyang karera sa basketbol sa Europa aron maandam kini alang sa NBA.

Sila si Aguilar ug Parks nangambisyon nga makaduwa sa NBA human sila nalakip   sa NBA Developmental League,  apan   pakyas sila  pagsud  sa   labing dakong  entablado sa basketbol  sa  kalibotan.

Sa iyang bahin, si Aguilar mitambag ni Sotto nga doblehon pa ang iyang paningkamot kun gusto niini nga mahimong NBA player ugma damlag.