Thurman mo- k.o. ni Pacquiao sud lamang sa duha ka hugna
CEBU, Philippines – Segurado kaayo si Keith Thurman nga iyang ma-knockout si Manny Pacquiao sud sa duha ka hugna kay mipusta kini og $10,000 (P513,000) sa iyang kaugalingon.
Ang duha ka dekalibreng boksidor mag-abot alang sa usa ka WBA welterweight unification bout karong Hulyo 20 (Hulyo 21 oras dinhi sa Pilipinas) didto sa MGM Grand Garden Arena sa Las Vegas, Nevada.
Si Thurman nagtuo nga sayon kaayo niyang dag-on ang maong away.
"I don't think it's a good bet but you know, you gotta believe in your fighters. I'm gonna put some money down on the fight too you know," butyag pa ni Thurman ngadto sa TMZ Sports. Yeah, let's go for the first or second round knockout. Why not? You know what I mean. We don't wanna just make money so I don't wanna bet straight up, I wanna bet on the KO."
Dili hinuon sayon nga tahas ang sagubangon ni Thurman gumikan kay si Pacquiao wala pa man ma-knockout sukad siya nataymingan sa kumo ni Juan Manuel Marquez ug natikangkang sa ikaupat nilang engkuwentro niadtong 2012.
Gawas niini, si Pacquiao wala pa mipakita og pagbahar bisan og nag-edad na kini og 40-anyos. Testamento niini, iyang gipangkulata sila si Lucas Matthysse ug Adrien Broner sa miagi niyang duha ka away.
Apan si Thurman, nga wala pa'y pilde sa 29 ka away uban ang 22KOs, miinsister nga duna siya'y igong higabinan sarang makapatukay-ang ni Pacquiao.
"Gotta bet on the KO," sumala pa ni Thurman, nga sa sayo pa mibahad nang daan nga iyang paretayron ang bugtong eight-division world boxing champion sa kasaysayan. sa boksing.
- Latest
