^

Zion no. 1 pick gyud sa Pelicans

Emmanuel B. Villaruel (Banat) - June 22, 2019 - 12:00am

CEBU, Philippines – Segun sa gipangagpas sa kadaghanan, ang New Orleans Pelicans mibira gyud ni Duke standout Zion Williamson isip No. 1 overall pick sa gipahigayong NBA Draft kagahapon didto sa Barclays Center sa New York.

Gipilde ni Williamson si Ja Morant nga maoy No. 2 pick sa Memphis Grizzlies, samtang ang New York Knicks mikuha ni Canadian forward RJ Barrett isip No. 3 pick.

Gipaabot nang daan nga kuhaon sa Pelicans si Williamson ilabi na kay anaa sila karon sa proseso pagpalig-on og balik sa ilang koponan human ilang gi-trade si Anthony Davis ngadto sa Los Angeles Lakers.

Si Williamson nga mag-19 anyos karong Hulyo 6, nakaduwa og usa ka season sa Duke diin  mi-average siya og 22.6 points, 8.9 rebounds, 2.1 assists, 2.1 steals ug 1.8 blocks matag duwa.

Kumpletos rekados ang abilidad ni Williamson ug gani pipila ka mga batid ang mihulagway kaniya nga susama og kalibre ni LeBron James.

Sa laing bahin, si Rui Hachimura mihimo og kasaysayan isip labing unang Hapon nga player nga napili sa first round human siya gikuha nga No. 9 pick sa Washington Wizards. Mahimo siyang ikatulo pa lamang nga Hapon nga nakaduwa sa NBA sunod nilang Yuta Tabuse (Phoenix Suns) ug Yuta Watanabe (Memphis Grizzlies). 

PELICANS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with