Caitom moaway balik karong hunyo 29
Emmanuel B. Villaruel (Banat) - June 21, 2019 - 12:00am

CEBU, Philippines — Sa ikaduhang higayon sukad sa iyang pagbalik sa pro boxing, ang Sugboanong si Rey Caitom mopakita na sab og aksiyon ibabaw sa ring karong Hunyo 29 didto sa Singapore.

Ang kanhi batos sa ALA Gym gikatakda unta nga moaway niadtong Marso, apan nakanselar kini gumikan sa wala maresulba nilang isyu sa kanhi niya promoter.

Mao kini ang hinungdan nga si Caitom nagpa-release sa kanhi niya promoter ug nakahulma og kasabotan uban ni Arvind Lalwani, ang tag-iya sa Juggernaut Boxing Club nga mao na karon ang iyang promoter.

Sa una niyang salida isip sakop sa Juggernut BC, si Caitom makigharong ni kanhi Thai champion Khaconsak Pothong sa usa ka  non-title bout nga gikatakda sud sa upat ka hugna ubos sa minimumweight (105 lbs.) division.

Si Caitom nga nagbitbit og 7-0 record uban ang usa ka tabla, nagmalampuson sa una niyang comeback fight niadtong Nobiyembre sa miaging tuig diin iyang gipukan pinaagi sa desisyon ang beteranong Indonesian nga si Silem Sirang.

Ning higayona, si Caitom makigtige batok ni Pothong nga naglaraw nga mobangon sa sunod-sunod niining kapildihan. Mao kini ang hinungdan nga ang 30-anyos nga si Caitom dili mokompiyansa batok ni Pothong ilabi na kay kining awaya iyang giisip nga iyang yawi aron makaaway alang sa regional title sa umaabot.

BOXING REY CAITOM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with