Paul gusto mohawa sa Rockets

CEBU, Philippines – Ang All-Star point guard nga si Chris Paul gikataho nga mihangyo sa kadagkoan sa Houston Rockets nga buhian siya pinaagi sa trade.

Si Paul giingon nga wala na ganahi sa team human  sila mapakyas   pag-abante sa Western Conference semifinals sa miaging playoffs human gitagak sila sa Golden State Warriors.

Gawas pa niini,  si  Paul giingon nga wala na'y maayong relasyon nadto sa star player ug reigning MVP nga si James Harden. 

Adunay mitumaw nga huhungihong nga nakit-an ang duha  nga naglalis atol sa ilang kapildihan sa miaging playoffs.

Si Harden miawhag usab sa kadagkoan sa Rockets nga tumanan si Paul tungod kay lisud na nga mag-uban sila sa usa ka koponan.

Ang 34-anyos nga si Paul mi-average og 15.8 points ug 8.2 assists sa miaging season.

Kon ugaling i-trade gyud sa Rockets, posibleng landingan ni Paul mao ang  Los Angeles Lakers, Boston Celtics ug Phoenix Suns.