Pirates mitiklo sa Pier Panthers
CEBU, Philippines — Mikabakbab og 26 puntos si Kurt Bardaje alang sa Pirates nga mitiklo sa Pier Panthers, 103-93 sa Liga sa Carmen didto sa Carmen gym sa amihanang bahin sa Sugbo.
Gawas ni Bardaje, laing naka-double digits sa Pirates nga maoy nikontrolar sa tibuok duwa mao sila si Yen Dorong nga mipugnit og 23 puntos ug Carl Quingco nga adunay 12 puntos.
Ang Pier gipangulohan nilang Tyril Cabarles ug Lyndon Abangan nga parehong mikadlit og 19 puntos, gisundan nilang Mark Zamodio ug Eric Ramas nga mikamada'g 15 puntos matag usa, samtang si Jetro Sabio miambit og 14 puntos.
Sa laing aksiyon, gikontrolar sab sa Spartans ang duwa gikan sa pagsugod aron mapukan ang Cebu Safari, 95-86.
Sila si Ricardo Moral ug Red Capuno miantog og 18 puntos matag usa aron pangulohan ang Spartans nga miposte og 58-41 sa halftime.
Mipakita sab og maayong labok sila si James Veloso ug Darby Bontia nga nagkumboya'g 25 puntos sa maong kadaogan.
Miiskor unta og 20 puntos matag usa sila si Romnick Capuyan, Joselito Sasing ug Lowell Mag-asin, apan wala kini mapusli kay napilde man ang Cebu Safari.
Puntos matag usa
Unang duwa:
PIRATES (103) – Bardaje 26, Dorong 23, Carl Quingco 12, Into 9, Cli. Quingco 8, Villamor 8, Senier 8, Banzon 5, Tuico 4.
PIER (93) – Cabarles 19, Abangan 19, Zamodio 15, Ramas 15, Sabio 14, Fernandez 5, Flores 2, Maningo 2, Abayon 2.
Ikaduhang duwa:
SPARTANS (95) – Moral 18, Capuno 18, Jam. Veloso 13, Bontia 12, Laping 8, Tuling 7, Duria 5, Suico 5, Hinlas 4, Jay Veloso 4, Bejoc 3.
SAFARI (86) – Capuyan 20, Sasing 20, Mag-asin 20, Casas 6, Dimco 6, Casinto 4, Flores 4, Adolfo 2, Basatol 2, Juancee 2. (BANAT NEWS)
- Latest
