Island Hot Wings sud na's semis, District 7 Resto Bar buhi pa
Yoyo R. Abayan (Banat) - June 16, 2019 - 12:00am

CEBU, Philippines — Yano kaayong misulod sa semifinals ang Island Hot Wings, samtang ang District 7 Resto Bar aduna pa'y kahigayonan nga moabante human midaog batok sa tagsa-tagsa nilang mga kaatbang sa quarterfinals sa FYA Basketball Tournament Season 23 Yoyi's Pastries & Desserts Cup 2019 niadtong Martes didto sa Atillo gym sa Barangay Labangon, Dakbayan sa Sugbo.

Dili tiaw ang kadaogan sa 'twice-to-beat' Island Hot Wings kay ila man nga gilubong og 31 puntos ang EJ & Ejean sa iskor nga 92-61 aron makuha ang luna sa semifinals sa yano nga pamaagi.

Si Van Anthony 'Ensong Dee' Ensong nga maoy best player of the game, mikabkab og 20 puntos, milangkat og pito ka rebounds ug mipasa og walo ka assists ang mangu sa upat niya ka teammates nga miiskor og double figures. Si Jeramie Flores mihabwa og 18 puntos sa Island Hot Wings nga nakapanimaho sa ilang sayong kadaogan human miposte og 64-45 nga bentaha pagsugod sa fourth quarter.

Sila si Justine Urot ug Ranel Patalita nagkumboya'g  29 puntos sa Island Hot Wings ni Junrey Arreglo.

Upat sab ka magduduwa sa EJ & Ejean ang mikulit og double digits pinangulohan ni Shun Cal nga mikandos og 18 puntos, gisundan ni Boki Teves nga adunay 15 puntos, samtang sila si Isyot Regudo ug Derick  Tabares nag-amotay og 11 puntos sa natagak nga EJ & Ejean.

Sa laing bahin, buhi pa ang paglaum sa District 7 Resto Bar ni team manager Rady Abarintos ug coach Sammy Babatid human gipilde ang 'twice-to-beat'  Harold's Hotel ni Arnel Trinidad sa iskor nga 94-83.

Ang best player nga si Juvinelle 'Cool Cat' Enriquez ang nangu sa scoring sa District 7 Resto Bar pinaagi sa iyang 24 puntos, lima ka rebounds ug lima sab ka assists.

Si Francois Paracuelles mitampo og 22 puntos, samtang si Alexis Pepito miamot og 18 puntos sa District 7 Resto Bar, kansang uno punto nga labaw sa first period, 21-20 gihinayhinayan og inat hangtod nga midaog.

Si Nene Billones mao sab ang nangu sa Harold's Hotel nga mikamada og 18 puntos, gisundan ni Mclain Alkuino sa iyang 13 puntos.

Sila si Baeng Medalle ug Jade Ursal mitimbre'g 11 puntos matag usa sa Harold's Hotel nga nanganting mobawos ngadto sa District 7 Resto Bar sa ilang tagakay nga duwa sunod semana aron makaangkon og luna sa semifinals.

PUNTOS MATAG USA

Unang duwa:

ISLAND Hot Wings (92) – Ensong 20, Flores 18, Urot 16, Patalita 13,  Laud 6, Navarro 6, E. Noquillo 4, D. Enriquez 4, Arias 3, G. Noquillo 2.

EJ & Ejean (61) – Cal 18, Teves 15, Regudo 11, D. Tabares 11, Villarosa 4, Santillan 2.

Ikaduhang duwa:

DISTRICT 7 (94) – J. Enriquez 24, Paracuelles 22, Pepito 18, Rara 8, Lumagbas 7, Navarro 7, M. Ancla 5, Cabasan 3.

HAROLD's Hotel (83) – Billones 18, Alkuino 13, B. Medalle 11, Ursal 11, Jumantoc 9, Dacayana 8, Arnado 6, Villacastin 4, J. Cabañez.

ISLAND HOT WINGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with