Meralco moparada sa bag-ong import

CEBU, Philippines – Sa pamasin nga makasulod sa playoffs, ang Meralco Bolts   mikuha og bag-ong import puli ni Gani Lawal.

Si Meralco coach Norman Black nagkanayon nga kontento   siya sa performance ni Lawal nga mihatag kanila og tulo ka daog, apan nakita niya nga nalimitahan ang produksiyon tungod sa minor injury niini.

Ang Bolts mikuha sa serbisyo sa 6-foot-9 nga si Jimmie Taylor  nga  kanhi NBA Developmental League cager. Miduwa  sab siya isip import didto sa Greece ug Poland.

Gitug-an  ni Black nga ang depensa ni Taylor ang nakakumbinsir kaniya aron kuhaon kini.

Masukod ang abilidad ni Taylor  sa ilang sangka batok sa  TNT KaTropa karong alas-4:30 sa hapon didto sa Smart Araneta Coliseum.

Sa main game sa alas-6:45 sa gabii, ang Phoenix Fuel Masters makigbangga sa Alaska Aces.